Cikan cobian ngetik 'Ciamis' dina situs pencari Google. Dugi ka waktos postingan ieu diketik ku pribados, nu kabuka teh namung aya 3 situs anu resmi nyaeta www.smkn1-cms.sch.id, www.man2-cms.sch.id, www.mgfm.co.id. Dua situs sakola, hiji situs radio.Kumecrek, masya Alloh. Tacan aya situs pemda Ciamis kitu nya? Padahal kacida usahana rupina mah dina ngical potensi Pangandaran, Green Canyon etc. Lah, piraku taya situs resmina? Tangtosna salira ku anjeun tiasa ngira-ngira, boa-boa di Ciamis mah internet masih dianggap sarupaning katuangan kitu nya? Atanapi singgetan tina 'Indomie Telur Kornet' tea geuning...
Janten pami milarian informasi ngeunaan Ciamis, sumber anu janten jugjugan teh Wikipedia. Salajengna nembe situs sakola atanapi ka situs radio (alhamdulillah, mang Gugel tetep nyayogikeun info Ciamis... cobi pami lebeng pisan taya hasil 'searching' walah.. cilaka!) Poto peta Ciamis nu dipasang ku pribados oge sami kenging nyolong di koleksi Mang Gugel. Teu aya anu resolusina ageung tur lengkap, janten saayana wae.
Mugi janten perhatosan kanggo Pemda, DPRD sareng sakumna warga Ciamis. Supados nyayogikeun situs anu 'memadey' kanggo saha wae anu peryogi informasi terenggal ti tatar galuh.
sumuhun tah kang simkuring ge googling teu mndakan situs resmi PEMDA CIAMIS,padahalmah di kantor PEMDA CIAMIS teh parantos aya HOTSPOT ayeuna mah mung ku hanjakalna bet kunaon ayeuna mah janten di encrypt aksesna teh da sababaraha dinten kapengker mah masih bebas simkuringge kantos nyobian 2kali tamba panasaran nambut hape rerencangan nu aya wifian ,ke..ke..ke.. boa2 kanggo orang kantor mungkul panginten nya aksesna teh masyarakat alit mah ngegel curuk deui we kabageanna teh,atuh iraha bade maju na masyarakat ciamis teh nya...sok tah ka bapa2 di PEMDA sing janten perhatosan
ReplyDelete