Dulur, Lebaran teh Lain Isuk, tapi Ayeuna!!

Rahayat Ciamis sarua pada ngajalankeun ibadah puasa kalawan sabar jeung ihlas. Poena geus asup ka tungtung bulan, kabeh sarua geus nungguan datangna poe lebaran. Wanci geus manjing ka isuk, panonpoe nyorot alam buana ku cahya nu gumilang.

Taya nu nyangka, wanci isuk eta beja datang ti puseur kota, yen poe lebaran geus nepi. Tanggal 1 syawwal geus datang tadi peuting. Atuh buru-buru masarakat ngabaratalkeun saumna, buru-buru ngadegkeun solat Ied. Najan beja ti puseur dayeuh teh elat, tapi teu ieuh jadi bahan pacengkadan, komo jadi pahereng-hereng parasea. Najan geus puasa oge teu ieu aral atawa ngagogoreng para ajengan, pajar teu puguh sikepna.

Mangsa harita mah memang boro-boro aya internet, pesbuk, twitter jeung sajabana. Rahayat Ciamis nu masih katalikung ku penjajahan bangsa deungeun, estuning ngan ukur bisa nurut kana dawuh timbalan ti puseur dayeuh (pamarentahan). Ajengan jeung kiayi jadi cepengan, diandelkeun jeung dihargaan luar biasa. Mun aya parentah keur ngulon atawa ngetan, rahayat mah ngan milu kalawan pasrah. Sok sanajan lain aya dina kahirupan anu sampurna, ummat Islam sarua ngabaris dina hiji barisan hiji kakompakan.

Mangsa geus beda jaman, kaayaan geus robah kabina-bina. Lebaran puluhan taun katukang jeung lebaran taun ieu, naon bedana baraya?

catetan: dongeng nyata duka ti taun sabaraha, kungsi kajadian di alam baheula